Nikah Wo hai Jis Mine Kam Kharch Ho

Ham sab Iqraar karte hai ke:

1. Nikaah ko aasan banayenge, bejaa rusoom wa rewaaj Khaas taur par jahez ka mutaaleba, Mangni, Sancha,. Couthi, Manje, Paonmeez ke rasam, Rat jaga waghairah se parhez karenge.Aur khandan. padoos ya elaaqe mine koi rishta tay hone ke ittla milne par qabal az waqat in ki zahen saazi karengc.

2. Baarat ki rasm ko khatm karte huwy Masjid, me saadgi ke saath nikaah ka tariqa ikhtiyaar karenge.

3. Nikaah ki daawat ka ehtiaam sirf beroon shahar ke mehmaan aur ghar ke afraad ke liye karenge.

4. Nikaah mein shirkat karenge lekin nikaah ki taqreeb waali daawat e taam se ehteraaz karenge.

5. Daawat e walima saadgi ke  saath dulat ki numaaish ke bagliair ghurbaa aur masaakeen ka khiyaal rakhte huwy kareng.

6. Jis mahfil e Nikaah / daawat e walima mein sunnat wa sharat ka khiyaal rakh-kha jayega us ki tayeed wa housla Afzai karenge,  us ke bar khilaaf amal par bhar poor aur waazeh izhaar e napasandeedgi karenge.

7. Mahfil e Nikaah aur daawat e walima mein aatish baazi, gaana baaja, video graphy aur khel tamaashe se bachte huwy Nikaah ke liye qimtee ruqa’ah aur qimtee stage ka istemaal nahi karenge.

8. Naujawaan apne Nikaah ko saadagec ke saath kam kharch mein anjaam denge is ke bar khilaaf  kisi dabaau ko qatan bardaasht nahi karenge.

9. Nikaah ke tay shudah waqt ki sakhti se paabandi karenge. Aur Shariat ki hidayat ke mutabiq meher naqad ada karenge.

10. Nikaah ka baad sunnat wa shariat ke mutaabiq khushgawaar izdewaaji zindagi guzaareinge aur biwi  ke saath bahtar sulook karke Allah aur us ke paak Rasool  (SAW), ki reza mandi haasil karenge.

11. Aulaad ki nemat mayassar aane par us ki behtar taaleem wa tarbiyat ka ehtimaam karcnge , aur use paaband e sunnat wa shariat banaane ki hattal imkaan koshish karenge.